Rusiya bu il 127 milyon tondan çox taxıl yığacaq - Putin

Rusiyada taxıl məhsulu yığımı təxminən 127 milyon ton olacaq

Rusiya Prezidenti Vladimir Putin, bu il Rusiyada taxıl məhsulu yığımının təxminən 127 milyon ton olacağını və bu məhsulun həm daxili ehtiyacları, həm də ixracı ödəyəcəyini bildirib.

"Düşünürəm ki, bu il bir sıra səbəblərdən ötən ilki rekord həcmi əldə edə bilməyəcəyik, lakin 127 milyondan çox taxıl yığa biləcəyik. Bu çox yaxşı göstəricidir, asanlıqla daxili ehtiyaclarımızı, hətta ixrac potensialımızı təmin etmək imkanımız olacaq" – bunu Putin bazar günü “Yedinaya Rossiya” partiyasının nümayəndələri ilə görüşdə deyib.

O qeyd edib ki, Rusiyada aqrar iqtisadiyyat yaxşı templərlə inkişaf edir.

Kənd Təsərrüfatı Nazirliyinin əsas proqnozuna görə, bu il taxıl məhsulu yığımı 127,4 milyon ton təşkil edəcək, o cümlədən 81 milyon ton - buğda. 2020 -ci ildə bu göstərici mevafiq olaraq 133,5 milyon ton və 85,9 milyon ton təşkil edib. Bu kənd təsərrüfatı ilində (2021-ci ilin iyul ayından-2022-ci ilin iyul ayına qədər) taxıl ixracatının 51 milyon ton təşkil edəcəyi proqnozlaşdılırır. Ötən kənd təsərrüfatı ilində Rusiya Federasiyası 48 milyon tondan çox taxıl ixrac etmişdir.